மகளின் கன்னத்து முத்த
அன்பின் ஈரங்களில்
காதலியின் உதட்டு முத்த
காம  எச்சில்கள்
உலர்ந்து விடும்

எனக்கு அவளிடம்
பெரிதாய்
ஏதும் ஆசை இல்லை

அவள் 
கைகளின்
சிறு வயது
தடுப்பூசி
தழும்புகளை
பார்ப்பதன்றி

நட்பின்
பிரிவு வலி
உணர்ந்தேன்
நண்பன் அவன்
அமெரிக்க பயணத்தின்
முந்தைய
தொலைபேசிய இரவின்
கனமான
கணங்கள்

I - Aila Aila Video | A.R. Rahman | Vikram | Shankar

தற்செயலாய்
தொலைக்காட்சியில்
காண கிடைத்த
அழகிய சினிமா
போல
எதிர்பாராது
வாழ்க்கையும்
சில வேளையில்
அழகு

அவித்த கொண்டைக்கடலையின்
மேலெல்லாம்
எனது ஊர்
கோடைகால
விடுமுறை  வேத வகுப்பின் (VBS)
பள்ளிக்கூட
இலுப்பை மர
நிழல்
மைதா கோந்தின்
வாசம்

காலையில் அழகாய்
குழந்தைகள் மருத்துவமனை முன்பு
பொம்மை கடை விரிப்பவனுக்கு
கண்டிப்பாய் பணம் மட்டுமே
நோக்கமாய் இருக்காது