Friday, March 6, 2015

எனக்கு அவளிடம்
பெரிதாய்
ஏதும் ஆசை இல்லை

அவள் 
கைகளின்
சிறு வயது
தடுப்பூசி
தழும்புகளை
பார்ப்பதன்றி

Thursday, February 26, 2015

நட்பின்
பிரிவு வலி
உணர்ந்தேன்
நண்பன் அவன்
அமெரிக்க பயணத்தின்
முந்தைய
தொலைபேசிய இரவின்
கனமான
கணங்கள்

Thursday, November 6, 2014

தற்செயலாய்
தொலைக்காட்சியில்
காண கிடைத்த
அழகிய சினிமா
போல
எதிர்பாராது
வாழ்க்கையும்
சில வேளையில்
அழகு

Tuesday, July 1, 2014

அவித்த கொண்டைக்கடலையின்
மேலெல்லாம்
எனது ஊர்
கோடைகால
விடுமுறை  வேத வகுப்பின் (VBS)
பள்ளிக்கூட
இலுப்பை மர
நிழல்
மைதா கோந்தின்
வாசம்

Monday, June 23, 2014

காலையில் அழகாய்
குழந்தைகள் மருத்துவமனை முன்பு
பொம்மை கடை விரிப்பவனுக்கு
கண்டிப்பாய் பணம் மட்டுமே
நோக்கமாய் இருக்காது

Sunday, May 11, 2014

பசப்பாய் சிரிக்கும் உறவுகள் 
மத்தியில் 
பாசமாயும் சிரிக்கும்
சில உறவுகள்
இதனால் தான் 
உறவுகளின் உன்னதம் 
இன்னும் உலராமல் 
இருக்கிறது 

The Economic Times

Rediff

Ads

Live Traffic Feed (Map View)